எகிறும் தங்கம் விலை - மக்கள் அதிர்ச்சி
தங்கத்தின் விலை தொடர்ந்து உயர்ந்து வருவதால் மக்கள் அதிர்ச்சியடைந்துள்ளனர்.
பங்குச்சந்தையில் ஏற்பட்ட சரிவு காரணமாக தங்கத்தின் விலை கடந்த சில நாட்களாகவே அதிகளவில் உயர்ந்து வருகிறது. ஆகஸ்ட் 1ஆம் தேதி ஒரு கிராம் தங்கம் 3310 ரூபாயாக இருந்தது. இதன்படி ஒரு சவரன் தங்கம் 26 ஆயிரத்து 480 ரூபாய்க்கு விற்பனையானது. ஆனால் கடந்த சில தினங்களாக தங்கத்தின் விலை தொடர்ந்து உயர்ந்து இன்று ஒரு கிராம் தங்கம் 3 ஆயிரத்து 582 ரூபாயாக உள்ளது. நேற்றைய விலையுடன் ஒப்பிடும் போது கிராமுக்கு 13 ரூபாயும், சவரனுக்கு 104 ரூபாயும் உயர்ந்து ஒரு சவரன் 28 ஆயிரத்து 656 ரூபாய்க்கு விற்பனையாகிறது. கடந்த 10 நாட்களில் மட்டும் தங்கத்தின் விலை கிராமுக்கு 272 ரூபாய் உயர்ந்து சவரனுக்கு 2 ஆயிரத்து 176 ரூபாய் உயர்ந்துள்ளது. தங்கத்தின் விலை 30 ஆயிரத்தை நெருங்குவதால் பொதுமக்கள் அதிர்ச்சியடைந்துள்ளனர்.
Next Story
