ஸ்டாலினிடம் வாழ்த்துப்பெற்ற கதிர் ஆனந்த் : வேலூர் வெற்றி சான்றிதழை காட்டி பெருமிதம்

வேலூர் தொகுதி தேர்தலில் பதிவான வாக்குகள் நேற்று எண்ணப்பட்டன. கடும் இழுபறிக்கு பின், திமுகவை சேர்ந்த கதிர் ஆனந்த்,  எட்டாயிரத்து 141 வாக்குகள் வித்தியாசத்தில் வெற்றி பெற்றார். இதைத் தொடர்ந்து, தமது தந்தையும், திமுக பொருளாளருமான துரைமுருகனுடன், திமுக தலைவர் ஸ்டாலினை இன்று அவர் சந்தித்து, தமது வெற்றிச் சான்றிதழை காட்டி வாழ்த்துப் பெற்றார். இதைத் தொடர்ந்து, திமுக தலைமை அலுவலகமான அண்ணா அறிவாலயத்தில் உள்ள அண்ணா, கருணாநிதி நினைவிடங்களுக்கு , ஸ்டாலின், துரைமுருகன், கதிர் ஆனந்த் ஆகியோர் மலர் தூவி மரியாதை செலுத்தினர்.