தீப்பிடித்த வீட்டிற்குள் சிக்கி கொண்ட பெண் : மேற்கூரையை பிரித்து காப்பாற்றிய பொது மக்கள்

திருச்சி மாவட்டம் மணப்பாறை அருகே தீப்பிடித்த வீட்டிற்குள், சிக்கிக் கொண்ட மனவளர்ச்சி குன்றிய பெண்ணை பொதுமக்கள் மீட்டனர். மணியாரம்பட்டியை சேர்ந்த துரைராஜ் என்பவர் வெளியே சென்றிருந்த நிலையில், அவரது வீடு தீப்பிடித்து எரிந்தது. பொதுமக்கள் தீயை அணைக்க முயன்றனர். அப்போது வீட்டினுள் மனவளர்ச்சி குன்றிய பெண் ஒருவர் சிக்கி கொண்டது தெரியவந்தது. இதையடுத்து வீட்டின் மேற்கூரையை பிரித்து அப்பெண்ணை பொதுமக்கள் மீட்டனர். பின்னர் தீயணைப்புத்துறையினர் வந்து தீயை அணைத்தனர். வீட்டிலிருந்த சமையல் எரிவாயு சிலிண்டர்கள் பாதுகாப்பாக அப்புறப்படுத்தப்பட்டன.