அரசு பள்ளிகளில் ஸ்மார்ட் வகுப்பு திட்டம் : ஆசிரியர்களுக்கு ஐஐடி பேராசிரியர்கள் பயிற்சி

ஸ்மார்ட் கிளாஸ் திட்டம் குறித்தும், தொழில் நுட்பத்தை கையாளும் முறை குறித்து அரசு பள்ளி ஆசிரியர்களுக்கு ஐஐடி பேராசிரியர்கள் பயிற்சி அளித்தனர். சென்னை டிபிஐ வளாகத்தில், இந்த பயிற்சி வகுப்பு நடைபெற்று வருகிறது. இந்த நிகழ்ச்சியில் கலந்து கொண்டு பின்னர் பேசிய பள்ளிக்கல்வி செயலாளர் பிரதீப் யாதவ், 6 ஆயிரம் அரசு பள்ளிகளில் ஸ்மார்ட் கிளாஸ் திட்டம் நடைமுறைப்படுத்தப்பட உள்ளதாகவும், அதை கையாளும் முறை குறித்து ஆசிரியர்களுக்கு பயிற்சி அளிக்கப்படுவதாகவும் விளக்கம் அளித்தார். கல்வி மாநில  திட்ட இயக்குனர் சுடலை கண்ணன்,  கல்வி துறை இயக்குநர்கள் கண்ணப்பன், கருப்பசாமி, பழனிசாமி உட்பட பலர் நிகழ்ச்சியில் கலந்துகொண்டனர்.