அத்திவரதரை தரிசனம் செய்ய குவிந்த பக்தர்கள் - கூட்ட நெரிசலில் சிக்கி 4 பேர் உயிரிழப்பு

வார இறுதியில், கூட்ட நெரிசல் ஏற்படும் என்பதால், 18வது நாளான இன்று, ஏராளமான பக்தர்கள், அத்திவரதரை தரிசிக்க,காஞ்சிபுரத்தில் குவிந்தனர்.இதனால், வியாழக்கிழமையான இன்று, எதிர்பாராத அளவில் கூட்டம் குவிந்தது.கூட்டத்தில் சென்ற பலருக்கு, மூச்சுத் திணறல் ஏற்பட்டது.வயதானவர்கள் பலர் செய்வதறியாது தவித்தனர்.இந்த நிலையில், தரிசனத்தை முடித்து திரும்பிய கூட்டத்தில் வந்தவர்கள் சிலர் ஆங்காங்கே மயங்கி விழுந்தனர்.அவர்கள் உடனடியாக மருத்துவமனைக்கு அனுப்பி வைக்கப்பட்ட நிலையில், சென்னையை சேர்ந்த நாராயணி, ஆந்திராவை சேர்ந்த கங்காலட்சுமி ஆகிய 2 பெண்களும், சென்னையை சேர்ந்த நடராஜன் மற்றும் ஆனந்த் என்பவரும், மூச்சு திணறி உயிர் இழந்தனர்.