சென்னையில் இருந்து குஜராத்துக்கு சென்ற ரயிலில் பயணம் செய்த 12 சிறுமிகள்,16 சிறுவர்கள் மீட்பு
சென்னையில் இருந்து குஜராத்துக்கு சென்ற ரயிலில் பயணம் செய்த 12 சிறுமிகள்,16 சிறுவர்கள் கொத்தடிமைகளாக்க அழைத்துச் செல்லப்பட்டார்களா என அதிகாரிகள் விசாரணை மேற்கொண்டுள்ளனர்.
சென்னையில் இருந்து, குஜராத் மாநிலம் அகமதாபாத்துக்கு நவஜீவன் எக்ஸ்பிரஸ் ரயில் நேற்று காலை புறப்பட்டது. இந்த ரயிலில், குழந்தைகளை கொத்தடிமைகளாக பணிபுரிய அழைத்துச் செல்வதாக ரயில்வே போலீசாருக்கு தகவல் கிடைத்துள்ளது.இதையடுத்து தெலங்கானா மாநிலம், கம்மம் ரயில் நிலையத்தில், ரயில்வே பாதுகாப்பு படையினர், குழந்தைகள் நலத் துறை அதிகாரிகளுடன் இணைந்து சோதனை நடத்தியதில் 16 சிறுவர்கள், 12 சிறுமிகள் உள்பட 55 பேரை மீட்கப்பட்டனர்.மீட்கப்பட்ட அனைவரும், குஜராத், உத்திரபிரதேச மாநிலங்களுக்கு கொத்தடிமைகளாக பணிபுரிவதற்கு சென்னையிலிருந்து அழைத்து செல்லப்படுகிறார்களா அல்லது சென்னையில் கொத்தடிமைகளாக இருந்து தற்போது சொந்த ஊருக்கு செல்கிறார்களா என்ற கோணத்தில் போலீசார் விசாரணை மேற்கொண்டனர்.
Next Story
