நிற்காமல் சென்ற அரசுப் பேருந்து - தவறி விழுந்த மாணவர்கள் : ஓட்டுனர், நடத்துனர் பணியிடை நீக்கம்

கடந்த 12-ந்தேதி நெல்லை சந்திப்பு பகுதியில் இருந்து சேரன்மாதேவிக்கு அரசு பேருந்து ஒன்று சென்றது. அந்த பேருந்தில் ஓட்டுனர் இளங்கோராஜன், நடத்துனர் ஜெயவெங்கடேஷ் ஆகியோர் பணியில் இருந்தனர். இந்நிலையில், டவுண் சாப்டர் பள்ளி அருகே பேருந்து சென்ற போது பள்ளி மாணவர்கள் கூட்டமாக ஏற முயன்றனர். ஆனால் பேருந்து நிற்காமல் சென்றதால் மாணவர்கள் தடுமாறி கீழே விழுந்தனர். இந்த காட்சி  சமூக வலை தளங்களில் வேகமாக பரவியதை அடுத்து, மாவட்ட ஆட்சியர் ஷில்பா பிரபாகர் சதீஷ் உத்தரவின் பேரில், ஓட்டுனர் மற்றும் நடத்துனரை பணியிடை நீக்கம் செய்து போக்குவரத்துக் கழக பொது மேலாளர் துரைராஜ் உத்தரவிட்டார்.