தீ விபத்தை பயன்படுத்தி கொள்ளையர்கள் கைவரிசை :17 சவரன் தங்க நகை, ரூ.25 ஆயிரம் ரொக்கம் திருட்டு

சென்னை எண்ணூரில் உள்ள பர்மா நகரில் அனல் மின் வாரியத்திற்கு சொந்தமான பிளாஸ்டிக் குழாய்களில் தீ விபத்து ஏற்பட்டுள்ளது. இதனால் மின்சாரம் துண்டிக்கப்பட்டு, அப்பகுதி முழுவதும்  புகை மண்டலமாக காட்சியளித்தது. இதனால் தீயை அணைக்கும் முயற்சியில் அப்பகுதியில் உள்ள குடியிருப்புவாசிகள் ஈடுபட்டிருந்தனர். அப்போது பொன்னுசாமி என்பவரது வீட்டிற்குள் நுழைந்த திருடர்கள் பீரோவில் இருந்த 17 சவரன் தங்க நகை மற்றும் 25 ஆயிரம் ரூபாய் பணத்தை திருடிச் சென்றனர். தீ விபத்து, கொள்ளையர்கள் ஏற்படுத்தியதா என்ற சந்தேகத்தின் பேரில் போலீசார் விசாரணை மேற்கொண்டுள்ளனர்.