அத்திவரதர் உற்சவம் : போலி அனுமதி அட்டையை காண்பிக்க முயன்ற நபர் கைது

காஞ்சிபுரம் அத்திவரதர் உற்சவத்தில் விஐபி வரிசையில் போலி அனுமதி அட்டையை காண்பிக்க முயன்ற நபரை கையும் களவுமாக மாவட்ட ஆட்சியர் பிடித்தார். அத்திவரதர் உற்சவத்தில் விஐபிகளுக்கு என தனியே நுழைவுவாயில் அமைக்கப்பட்டுள்ளது. அவர்களுக்காக பிரத்யேகமாக நன்கொடையாளர் எனும் பெயரில் அனுமதி அட்டையும் வழங்கப்பட்டுள்ளது. இந்நிலையில் மாவட்ட நிர்வாகத்தால் வழங்கப்பட்ட அனுமதி அட்டையை போலியாக தயாரித்து தரிசனத்திற்கு நபர்களை உள்ளே அனுப்ப முயன்ற ஒருவரை மாவட்ட ஆட்சியர் கையும் களவுமாக பிடித்தார். அந்த நபரை போலீசார் கைது செய்து, விசாரணை நடத்தி வருகின்றனர்.