அருணாசலேசுவரர் கோவிலில் ஆனி திருமஞ்சன விழா

திருவண்ணாமலை அருணாசலேசுவரர் கோவிலில் ஆனி திருமஞ்சன விழாவை முன்னிட்டு, சிவகாமி சுந்தரி சமேத நடராஜர் திருவீதி உலா வெகுவிமர்சையாக நடைபெற்றது. ஆனி திருமஞ்சன விழாவை முன்னிட்டு, ஆயிரம் கால் மண்டபத்தில் முதலில் நடராஜருக்கு சிறப்பு அபிஷேக, ஆராதனைகள் நடைபெற்றது. இதை தொடர்ந்து சிவகாமிசுந்தரி சமேத நடராஜர் நான்கு மாடவீதியை சுற்றி வந்து பக்தர்களுக்கு காட்சியளித்தனர். பின்னர் மீண்டும் அதே வழியில் கோவிலை வந்தடைந்தனர். இந்த விழாவில் ஆயிரக்கணக்கான மக்கள் பங்கேற்று சுவாமியை தரிசனம் செய்தனர்.