"மத்திய பட்ஜெட் ஏமாற்றம் அளிக்கிறது - முதலீடுகள் இல்லை" : முன்னாள் நிதியமைச்சர் ப.சிதம்பரம் கருத்து

மத்திய பட்ஜெட் ஏமாற்றம் அளிப்பதாகவும், புது ​முதலீடுகள் குறித்து எந்த தகவலும் இல்லை என்றும், முன்னாள் நிதியமைச்சர் ப.சிதம்பரம் தெரிவித்துள்ளார். டெல்லியில் பட்ஜெட் குறித்து கருத்து தெரிவித்த அவர், பணக்காரர்களுக்கான வரி விதிப்பில் தெளிவின்மை காணப்படுவதாகவும், 3-ல் இருந்து ஏழு சதவிகிதமா அல்லது 7 சதவிகிதமா என புரியவில்லை என கூறினார். மேலும், நிதியமைச்சர் நிர்மலா சீதாராமன், பழங்கால முறைப்படி பட்ஜெட் ஆவணங்கள் சிவப்பு நிற துணியில் போர்த்திக் கொண்டு வந்திருப்பதாக கூறிய அவர், வருங்காலத்தில் காங்கிரஸ் நிதியமைச்சர், ஐபேட் மூலம் பட்ஜெட் தாக்கல் செய்வார் என்றார்.