"வரி செலுத்துவோரால் தான் சிறப்பான ஆட்சி நடக்கிறது" - நெல் உற்பத்தி குறித்த பாடலை குறிப்பிட்டு அமைச்சர் பேச்சு

பொதுமக்கள் வரி செலுத்துவதால் தான் ஆட்சி சிறப்பாக நடப்பதாக கூறிய மத்திய அமைச்சர் நிர்மலா சீதாராமன், முறையாக வரிசெலுத்துவோருக்கு நன்றி தெரிவித்தார். அப்போது, புறநானூறு பாடலை மேற்கோள் காட்டி அவர் பேசினார். நெல் உற்பத்தி குறித்து பாண்டியன் அறிவுடை நம்பிக்கு, பிசிராந்தையார் கூறிய அறிவுரையை மேற்கோள் காட்டினார்.  நாட்டை ஆளும் மன்னன், நெறி வகுத்துக் கொண்டு அதன்படி மக்களிடம் பொருள் பெற்று, ஆட்சி நடத்தினால் நாடு செழிப்பாக இருக்கும் என்பதை விளக்கும் வகையில், அந்த புறநானூறு பாடலை அவர் மேற்கோள் காட்டி பேசினார்.