சர்வதேச வில் அம்பு போட்டி : தங்கம் வென்று 8 வயது சிறுவன் சாதனை

திருச்சி, சமயபுரத்தை சேர்ந்த 8 வயது சிறுவன் ஜீவன் சிவா, சர்வதேச, வில் அம்பு போட்டியில் தங்கம் வென்று சாதனை படைத்துள்ளான். கடந்த ஜீன் 28 ஆம் தேதி முதல் 30 ஆம் தேதி வரை கோலாலம்பூரில் நடைப்பெற்ற இந்தியா, இந்தோனேசியா, பிலிப்பைன்ஸ் ஆகிய நாடுகளுக்கு இடையேயான 20 மீட்டர் சர்வதேச போட்டியில், 10 வயதிற்கு உட்பட்டோர் பிரிவில் பங்கேற்று ஜீவன் சிவா முதலிடம் பெற்று தங்க பதக்கம் வென்றார். இவர் மாவட்ட, மாநில மற்றும் தேசிய அளவிலான பல்வேறு போட்டிகளில் பங்கேற்று 30-க்கும் மேற்பட்ட பரிசுகளை பெற்றுள்ளார். மேலும், கடந்த வருடம் 7 வயதில் 7 மணி நேரம் தொடர்ந்து வில் அம்பு எய்து தமிழ்நாடு இளம் சாதனையாளர்கள் புத்தகத்திலும் இடம் பெற்றார். இந்நிலையில் ஒலிம்பிக்கில் பதக்கம் வெல்வதே தனது லட்சியம் என்று ஜீவன் சிவா தெரிவித்துள்ளான்.