108 ஆம்புலன்ஸில் பெண் செவிலியருக்கு பாலியல் தொல்லை : ஆம்புலன்ஸ் ஒட்டுனருக்கு போலீஸ் வலைவீச்சு

நெல்லை மாவட்டம் கீழ நத்தம் தெற்கூர் பகுதியில் 108 ஆம்புலன்ஸில் ஒட்டுனராக சங்கரன்கோவிலை சேர்ந்த மாரியப்பன் என்பவர் பணிபுரிந்து வருகிறார். அதே ஆம்புலன்ஸில் விருநகரை சேர்ந்த பெண் ஒருவரும் செவிலிய உதவியாளராக பணி புரிந்து வந்துள்ளார். இந்நிலையில், ஆம்புலன்ஸில் ஓட்டுனர் மாரியப்பன் மதுபோதையில் இருந்ததாகவும், அப்போது செவிலிய உதவியாளரிடம் ஆபாசமாக பேசி , பாலியல் தொந்தரவு செய்ய முயன்றதாகவும் கூறப்படுகிறது. இதையடுத்து அந்த பெண் சத்தம் எழுப்பியதை தொடர்ந்து, அப்பகுதி மக்கள் பெண்ணை காப்பாற்றி உள்ளனர். இதைத்தொடர்ந்து அந்த பெண் அளித்த புகாரின் பேரில் வழக்குப்பதிவு  செய்த போலீசார், கொலை மிரட்டல் ,பெண் வன்கொடுமை உள்ளிட்ட 3 பிரிவுகளில் வழக்கு பதிவு செய்து ஓட்டுனர் மாரியப்பனை தேடிவருகின்றனர்.