பூந்தமல்லி தனியார் பொழுதுபோக்கு பூங்காவை மூட அறிவுறுத்தல்...

பூந்தமல்லி அருகே தனியார் பொழுதுபோக்கு பூங்காவில் ராட்டினத்தின் ஒரு பகுதி அறுந்து விழுந்ததால் தற்போது மூடப்பட்டுள்ளது. பூந்தமல்லி அடுத்த பழஞ்சூர் பகுதியில் தனியாருக்கு சொந்தமான பொழுதுபோக்கு பூங்கா உள்ளது இந்த பூங்காவில் உள்ள "FREE FALL TOWER" எனும் விளையாட்டு உள்ளது. இந்த  ராட்ச ராட்டினத்தில் சுற்றுலாப் பயணிகள் சென்ற போது, அது திடீரென்று கீ​ழே அறுந்து விழுந்தது. இதில் அதிர்ஷ்டவசமாக உயிர் இழப்பு ஏதுவும் ஏற்படவில்லை. இந்த விபத்து குறித்து விசாரணை நடத்திய போலீசார்,  அறுந்து விழுந்த ராட்டின கம்பிகளை சோதனை செய்ய இருப்பதாகவும், அறிக்கை வந்தவுடன் இயக்குமாறும் அறிவுறுத்தினர். இதையடுத்து, அந்த பொழுதுபோக்கு பூங்கா  தற்போது மூடப்பட்டுள்ளது.