சோழிங்கநல்லூர் : 15 ஆண்டுகளுக்கு மேலாக குடிநீர் , கழிவு நீர் வசதியில்லாமல் தவிக்கும் தமிழ்நாடு வீட்டுவசதி வாரிய பகுதி மக்கள்

சென்னையை அடுத்த சோழிங்கநல்லூர் பகுதியில் உள்ள தமிழ்நாடு வீட்டுவசதி வாரியத்தால் அமைக்கப்பட்ட திட்டம் - 3 குடியிருப்புகளில் கடந்த 15 ஆண்டுகளுக்கு மேலாக குடிநீர் மற்றும் கழிவு நீர் வசதியில்லாமல் மக்கள் தவித்துவருவதாக புலம்புகின்றனர். பல லட்சங்கள் கொட்டி, கட்டிமுடிக்கப்பட்ட மேல்நிலை நீர்த்தேக்க தொட்டியில் இதுவரை தண்ணீர் நிரப்பியதே இல்லை என்றும் குமுறுகிறார்கள்.