பெரியகுளம் அருகே போலீசார் மீது போராட்டக்காரர்கள் கல்வீச்சு

தேனி மாவட்டம் பெரியகுளம் அருகே, போலீசார் மீது கல்வீசி தாக்குதல் நடத்தப்பட்டதால் பரபரப்பு ஏற்பட்டது.  அங்குள்ள சருத்திபட்டியை சேர்ந்த  சிரஞ்சீவி என்பவரை சிலர் தாக்கியுள்ளனர். தாக்குதல் நடத்திய மர்ம நபர்களை கைது செய்யக்கோரி பொதுமக்கள் திடீர் சாலை மறியலில் ஈடுபட்டனர். அப்போது சிலர் போலீசார் மீது கற்களை வீசினர். இதில் தேனி மாவட்ட காவல் கண்காணிப்பாளர்  பாஸ்கரன் உட்பட 10க்கும் மேற்பட்ட காவல் துறையினர் காயமடைந்தனர். இதனையடுத்து போராட்டத்தில் ஈடுபட்டவர்களை போலீசார் தடியடி நடத்தி கலைத்தனர். இதனால், அங்கு பதற்றம் நிலவியது.