மேட்டுப்பாளையம் அருகே அட்டகாசம் செய்துவந்த சிறுத்தை சிக்கியது

மேட்டுப்பாளையம் அருகே அட்டகாசம் செய்துவந்த சிறுத்தை, வனத்துறையினர் வைத்த கூண்டில் சிக்கியதால், மக்கள் நிம்மதி அடைந்துள்ளனர்.கோவை மாவட்டம் மேட்டுப்பாளையம் அருகே மோத்தேபாளையம் கிராமத்தில், கடந்த சில மாதங்களாக சிறுத்தை புலி ஊருக்குள் புகுந்து அட்டாகசம் செய்துவந்த‌தாக தெரிகிறது. கன்றுகுட்டிகள், நாய்கள் என சிறுத்தையின் வேட்டை தொடர்ந்த‌தால், மக்கள் வீடுகளுக்குள் முடங்கி கிடந்தனர். இதையடுத்து, நேற்று மாலை வனத்துறை சார்பில் சிறுத்தையை வனத்துறையினர் கூண்டு வைத்து பிடிக்க நடவடிக்கை மேற்கொள்ளப்பட்டது. அதன் பலனாக,  கூண்டில் சிறுத்தை புலி சிக்கியது. இதனால் அப்பகுதி மக்கள் நிம்மதி அடைந்துள்ளனர்.