அதிமுகவில் ஒற்றைத் தலைமை கோரிக்கை விடுத்த ராஜன் செல்லப்பா : பரபரப்பான சூழலில் கூடிய அதிமுக கூட்டம்

நாடாளுமன்ற தேர்தல் மற்றும் சட்டமன்ற இடைத்தேர்தல்களில் அதிமுகவுக்கு ஏற்பட்ட சரிவை தொடர்ந்து கட்சியில் பல்வேறு சலசலப்புகள் ஏற்பட்டது. இந்த நிலையில் தான் ஒற்றைத் தலைமை என்ற வார்த்தையை கையில் எடுத்தார் எம்எல்ஏ ராஜன் செல்லப்பா. மதுரை தொகுதியில் போட்டியிட்ட இவரது மகன் ராஜ் சத்யன் தோல்வியடைந்த நிலையில், ஒற்றைத் தலைமை தான் கட்சிக்கு தேவை என்றார். இவரின் இந்த பேச்சு அதிமுகவினர் மட்டுமின்றி பல்வேறு கட்சியினரிடமும் அதிர்ச்சியை ஏற்படுத்தியது. இதுதொடர்பாக பதிலளித்த முதலமைச்சர் பழனிசாமி, கட்சிக்குள் எந்த வித கோஷ்டி பூசலும் இல்லை என்றார்.