ஒசூர் அருகே அம்பேத்கர் பிளக்ஸ் பேனர் கிழிப்பு : நீலம் பண்பாட்டு மையத்தினர் ஆர்ப்பாட்டம்

கிருஷ்ணகிரி மாவட்டம் தேன்கனிக் கோட்டையில் நீலம் பண்பாட்டு மையம் சார்பில் திரைப்பட இயக்குனர் பா.ரஞ்சித் மற்றும் அம்பேத்கர் புகைப்படங்கள் அச்சிடப்பட்டிருந்த பிளக்ஸ் பேனர்கள் வைக்கப்பட்டிருந்தன. இந்நிலையில் நேற்று இரவு அந்த பகுதிக்கு வந்த சிலர், இந்த பேனர்களை கிழித்ததாக கூறப்படுகிறது. இதனால் ஆத்திரமடைந்த நீலம் பண்பாட்டு மைய நிர்வாகிகள் மற்றும் தொண்டர்கள் பிளக்ஸ் பேனரை கிழித்தவர்கள் மீது நடவடிக்கை எடுக்கக் கோரி, பேரூராட்சி அலுவலகம் முன்பு கண்டன ஆர்ப்பாட்டத்தில் ஈடுபட்டனர். தகவலறிந்து வந்த அதிகாரிகள் நடத்திய பேச்சு வார்த்தையை தொடர்ந்து, ஆர்ப்பாட்டத்தில் ஈடுபட்டவர்கள் கலைந்து சென்றனர்.