"தமிழகத்திற்கு எதிரான செயல்களை தி.மு.க. எதிர்க்கும்" - தூத்துக்குடி எம்.பி. கனிமொழி உறுதி

'தமிழகத்திற்கு எதிரான செயல்பாடுகளுக்கு, தி.மு.க. எம்.பி.க்கள், இடம் தர மாட்டார்கள்' என, கனிமொழி எம்.பி. தெரிவித்தார். வாக்காளர்களுக்கு நன்றி தெரிவிக்க, திருச்செந்தூர் வந்த அவர், காமராஜர் சிலைக்கு மாலை அணிவித்து, மரியாதை செலுத்தினார். தொடர்ந்து, திருச்செந்தூர் சுற்று வட்டாரப் பகுதிகளில், வாக்காளர்களுக்கு நன்றி தெரிவித்து பேசிய அவர், 'தூத்துக்குடி மக்களின் பிரதிபலிப்பாக, மக்களவையில் பணியாற்றுவேன்  என்றும், தமிழ்நாட்டிற்கு எதிரான செயல்பாடுகளுக்கு தி.மு.க. உறுப்பினர்கள் இடம் தரமாட்டார்கள் என்றும் தெரிவித்தார்.