இளைஞர் எரித்து கொலை செய்யப்பட்ட சம்பவம் : காதலி தீக்குளித்து தற்கொலை முயற்சி

கன்னியாகுமரி மாவட்டம், நாகர்கோவில் அருகே இளைஞர் எரித்து கொலை செய்யப்பட்டத தொடர்ந்து, அவரின் காதலி  தீக்குளித்து தற்கொலைக்கு முயன்றுள்ளார்.  கரியமாணிக்கபுரத்தில் நேற்று முன்தினம் வள்ளியூரை சேர்ந்த புகைப்படக் கலைஞர் ரசி என்கிற ரஜினி குமார் எரித்துக் கொலை செய்யப்பட்டார். அவரது காதலியின் சகோதரன் தான் கொலை செய்தார் என்பது விசாரணையில் தெரியவந்ததால் போலீசார் கைது செய்துள்ளனர். இந்த நிலையில், கன்னியாகுமரி பெருமாள்புரம் இலங்கை அகதிகள் முகாமில் வசித்து வரும் ரசியின் காதலி அனுஷா, தனது வீட்டில் யாரும் இல்லாத நேரத்தில்  உடலில் மண்ணெண்ணெய் ஊற்றி தற்கொலைக்கு முயன்றுள்ளார். உயிருக்கு ஆபத்தான நிலையில் மீட்கப்பட்ட அவர், ஆசாரிப்பள்ளம் அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளார் .