பாஜக பிரமுகரிடம் இருந்து பணம், நகைகள் கொள்ளை : சிசிடிவி காட்சிகள் அடிப்படையில் தீவிர தேடுதல்

கோவை பெரியநாயக்கன்பாளையத்தை அடுத்துள்ள கூடலூர் கவுண்டம்பாளையம் பகுதியை சேர்ந்தவர் சுபாஷ் சந்திரபோஸ். பாஜக பிரமுகரான அவர், பெரியநாயக்கன்பாளையத்தில் ஸ்டுடியோ நடத்தி வருகிறார். வங்கியில் இருந்து எடுத்த ஒரு லட்சத்து 10 ஆயிரம் ரூபாய் ரொக்கம், 33 சவரன் நகைகளை தனது இரு சக்கர வாகனத்தில் வைத்துவிட்டு ஸ்டுடியோவுக்கு சென்றுள்ளார். திரும்பி வந்து பார்த்தபோது நகை, பணம் கொள்ளைடிக்கப்பட்டதை கண்டு அதிர்ச்சி அடைந்து போலீசில் புகார் அளித்துள்ளார். இது தொடர்பாக விசாரணை மேற்கொண்ட போலீசார், அங்குள்ள சிசிடிவி கேமரா காட்சிகளை ஆய்வு செய்ததில் 4 பேர் கொண்ட கும்பல் கொள்ளையில் ஈடுபட்டதை கண்டறிந்து தேடுதலை தீவிரப்படுத்தி உள்ளனர்.