போக்குவரத்து கழக ஊழியர் வீட்டில் மர்ம நபர்கள் கைவரிசை

அரசு போக்குவரத்து கழக ஊழியர் வீட்டில் 15 சவரன் நகை மற்றும் 3 லட்ச ரூபாய் ரொக்கத்தினை கொள்ளையடித்து சென்ற மர்ம நபர்களை போலீசார் தேடி வருகின்றனர். சென்னை, ஆவடியை அடுத்த பட்டாபிராம் பகுதியை சேர்ந்தவர் செல்வகுமார். அரசு போக்குவரத்து கழக  ஓட்டுனரான அவர், கடந்த 5 ஆம் தேதி குடும்பத்துடன் சிவகங்கைக்கு ஒரு நிகழ்ச்சிக்காக சென்றுள்ளார். வீட்டில் ஆள் இல்லாததை அறிந்த மர்ம நபர்கள், பூட்டை உடைத்து பீரோவில் வைத்திருந்த 12 சவரன் தங்க நகை மற்றும் மூன்று லட்ச ரூபாய் ரொக்கத்தினை கொள்ளையடித்துச் சென்றுள்ளனர். வீடு திரும்பிய செல்வகுமார், கொள்ளை சம்பவத்தைக் கண்டு அதிர்ச்சி அடைந்து காவல் நிலையத்தில் புகார் அளித்துள்ளார். விரைந்து வந்த போலீசார்  கை ரேகை நிபுணர்கள் உதவியுடன்  மர்ம நபர்களை தேடி வருகின்றனர்.