திருப்பதி கோயிலுக்கு நாளை செல்கிறார் பிரதமர் மோடி

திருப்பதி ஏழுமலையான் கோயிலுக்கு பிரதமர் மோடி நாளை செல்வதையடுத்து அங்கு பாதுகாப்பு அதிகரிக்கப்பட்டுள்ளது. மாலத்தீவு, இலங்கை பயணத்தை முடித்துகொண்டு நாளை மாலை ரேணிகுண்டா செல்லும்  மோடி, அங்கு நடைபெற உள்ள பொதுக்கூட்டத்தில் கலந்துகொள்கிறார். பின்னர்,  இரவு 7 மணி அளவில் திருமலை செல்லும் அவர், ஏழுமலையான் கோயிலில் சாமி தரிசனம் செய்கிறார். இதைதொடர்ந்து, அங்கிருந்து அவர் டெல்லி புறப்பட்டு செல்கிறார். பிரதமர் வருகையையொட்டி, திருப்பதியில் பாதுகாப்பு பலப்படுத்தப்பட்டுள்ளது.