இளைஞர்களுக்கு வேலை வாய்ப்பு முகாம் : தேனி எம்.பி.ரவீந்திரநாத் குமார் தகவல்

தேனி நாடாளுமன்ற தொகுதியில் வெற்றி பெற்ற அ.தி.மு.க. மக்களவை உறுப்பினர் ஓ.பி.ரவீந்திரநாத் குமார்,  சோழவந்தான் தொகுதிக்கு உட்பட்ட அய்யங்கோட்டை, தனிச்சியம் பகுதி மக்களை சந்தித்து நன்றி தெரிவித்தார். அப்போது பேசிய தேனி எம்.பி., பொது மக்களுக்கு தேவையான அடிப்படை வசதிகளை ஏற்படுத்தி தருவதே தம்முடைய முதல் வேலை என தெரிவித்தார். விரைவில் மக்களவை உறுப்பினர் அலுவலகம் திறக்கப்பட்டு, பொது மக்களிடமிருந்து  மனுக்களாக பெறப்படும் என்று கூறினார். வேலை வாய்ப்பு இல்லாத இளைஞர்களுக்கு, தனியார் நிறுவனங்களிடம் பேசி மிகப் பெரிய வேலை வாய்ப்பு முகாமினை விரைவில் நடத்த உள்ளதாகவும் அவர் தெரிவித்தார். தொகுதி முழுவதும் உள்ள  லட்சக்கணக்கான இளைஞர்களுக்கு வேலை வாய்ப்பை ஏற்படுத்தி, அவர்களது வாழ்வாதாரத்தை உயர்த்த பாடுபடுவேன் என்றும், ஓ.பி.ரவீந்திரநாத் குமார் தெரிவித்தார்.