இரு தரப்பு இளைஞர்கள் மோதல் - வாகனங்கள் சேதம் : பார் நாகராஜ் உட்பட 14 பேர் கைது

பொள்ளாச்சி ஜோதிநகரை சேர்ந்தவர்கள் சிபின் மற்றும் சபரீஸ்வரன்.  இவர்களுக்குள் பணம் கொடுக்கல் வாங்கல் தொடர்பாக தகராறு இருந்து வந்துள்ளது. இந்தநிலையில் தனது நண்பர்களுடன் சென்ற சிபின், சபரீஸ்வரனிடம் வாக்குவாதத்தில் ஈடுபட்டுள்ளார். இதுபற்றி 

பார் நாகராஜுக்கு,  சபரீஸ்வரன் தகவல் தெரிவித்துள்ளார். உடனடியாக அங்கு வந்த பார் நாகராஜ் மற்றும் அவரது ஆதரவாளர்களும், சிபின் ஆதரவாளர்களும் அடிதடியில் ஈடுபட்டுள்ளனர். அப்பகுதியில் இருந்த வாகனங்களையும் அடித்து நொறுக்கி சேதப்படுத்தியதாக கூறப்படுகிறது. இதுதொடர்பாக பொதுமக்கள்  அளித்த புகாரின்பேரில், பார் நாகராஜ் உட்பட 14 பேரை போலீசார் கைது செய்தனர். அவர்களை பொள்ளாச்சி குற்றவியல் நீதிமன்றத்தில் ஆஜர்படுத்தி கோவை மத்திய சிறையில் அடைத்தனர்.