செல்போனை திருடிய இளைஞர் கைது : சி.சி.டி.வி. கேமிராவில் திருடிய காட்சி சிக்கியது

சென்னை அரும்பாக்கம் பகுதியில் உள்ள செல்போன் கடைகளில் விலை உயர்ந்த செல்போன்கள் திருடப்பட்டது. இது தொடர்பான புகார் குறித்து போலீசார், சி.சி.டி.வி. காட்சிகளை ஆய்வு செய்தனர். அப்போது இளைஞர் ஒருவர் டிப் டாப்பாக உடை அணிந்து செல்போன் கடையில் எத்தனை பேர் உள்ளனர் என்று சுற்றி பார்க்கிறார். பின்னர், கூட்டம் அதிகமாக இருக்கும் போது, தமது மனைவியுடன் வரும் அந்த இளைஞர், செல்போனை வாங்குவது போல் நடித்துள்ளார். விற்பனையாளர்கள் மற்ற வாடிக்கையாளர்களுடன் பேசும் போது, விலை உயர்ந்த செல்போனை தனது பையில் யாருக்கும் தெரியாமல்  வைத்து கொண்டு பின்னர் வாங்குவதாக கூறி திருடுகிறார். . இந்த காட்சிகளை வைத்து விசாரணை நடத்திய போது, செல்போன்களை திருடிய இளைஞரின் பெயர் ஆருண் என்பது தெரியவந்தது. இதனையடுத்து, அரூணை போலீசார் கைது செய்தனர். இந்த திருட்டில் ஆரூணின் மனைவிக்கு பங்கு இல்லை என்பது தெரியவந்ததால், அவரை போலீசார் கைது செய்யவில்லை. ஆருணிடமிருந்து விலை உயர்ந்த 5 செல்போன்கள் பறிமுதல் செய்யப்பட்டது.