சேலம் மலை பகுதியில் ஓட்டுநர் மர்ம மரணம்

சேலம் மாவட்டம், மேட்டூரை அடுத்த பெரியண்ண கவுண்டர் நகர் பகுதியை சேர்ந்த கார் டிரைவர் தனசேகரன்,  மேட்டூர் அனல் மின் நிலையத்தில் ஒப்பந்த அடிப்படையில் வேலை பார்த்து வந்தார். இவர் கடந்த 2 நாட்களாக வீட்டுக்கு வராத நிலையில், அவரது மனைவி மற்றும் உறவினர்கள் பல இடங்களில் தேடி வந்துள்ளனர். இந்நிலையில், மேட்டூரை அடுத்த மலைப் பகுதியில் மர்மமான முறையில் இறந்து கிடந்தார். அவரது சடலத்தின் அருகில் மதுபாட்டில்கள் இருந்ததால், மது போதையில் இறந்தாரா அல்லது வேறு ஏதாவது காரணமா என்ற கோணத்தில் போலீசார் விசாரணை செய்து வருகின்றனர்.