ஆட்சியர் தலைமையில் நடைபெற்ற ஆய்வுக்கூட்டம் : கூட்டத்திற்குள் புகுந்து அட்டகாசம் செய்த குரங்கு

புதுக்கோட்டை மாவட்ட ஆட்சியர் அலுவலக கூட்ட அரங்கில் கஜா புயல் நிவாரண பணிகள் தொடர்பான ஆய்வுக் கூட்டம் மாவட்ட ஆட்சியர் உமா மகேஸ்வரி தலைமையில் நடைபெற்றது. இந்தக் கூட்டத்தில் தமிழக சுகாதாரத்துறை அமைச்சர் விஜயபாஸ்கர் கலந்து கொண்டார். மேலும் இந்த கூட்டத்தில் அனைத்துதுறை அரசு அதிகாரிகள் மற்றும் அலுவலர்கள் கலந்து கொண்டனர். கூட்டத்தில் மாவட்ட ஆட்சியர் உமா மகேஸ்வரி பேசிக்கொண்டு இருந்த போது, குரங்கு ஒன்று அரங்குக்குள் புகுந்து ஆங்காங்கே தாவி பெரும் பரபரப்பை ஏற்படுத்தியது. மேஜையில் தாவி, தாவி குதித்த குரங்கை அதிகாரிகள் நீண்ட போராட்டத்திற்கு பிறகு வெறியேற்றினர்.