கருணாநிதியின் 96வது பிறந்த நாள் விழா பொதுக்கூட்டம் - ஸ்டாலின், வைகோ, கே.எஸ்.அழகிரி உள்ளிட்டோர் பங்கேற்பு

திமுக தலைவர் ஸ்டாலின் தலைமையில் நடைபெற்ற  இந்தக் கூட்டத்தில் அக்கட்சிப் பொருளாளர் துரைமுருகன்  மற்றும் மதசார்பற்ற முற்போக்கு கூட்டணியை சார்ந்த தமிழக காங்கிரஸ் கட்சி தலைவர் கே.எஸ் அழகிரி, திராவிடர் கழக தலைவர் கி.வீரமணி, மதிமுக பொதுசெயலாளர் வைகோ, இந்திய கம்யூனிஸ்ட் மாநில செயலாளர் முத்தரசன், மார்க்சிஸ்ட் மாநில செயலாளர் கே.பாலகிருஷ்ணன், விடுதலை சிறுத்தைகள் தலைவர் திருமாவளவன், இந்திய ஜனநாயக கட்சி நிறுவனர் பாரிவேந்தர், கொங்கு நாடு மக்கள் தேசிய கட்சி  பொதுசெயலாளர் ஈ. ஆர். ஈஸ்வரன், இந்திய யூனியன் முஸ்லிம் லீக் தலைவர் காதர்மொய்தீன், தமிழக வாழ்வுரிமை கட்சி தலைவர் வேல்முருகன், மனித நேய மக்கள் கட்சி தலைவர் ஜவாஹிருல்லா ஆகியோர் கலந்து கொண்டனர். அதில் பேசிய ஸ்டாலின், தமிழக அரசியலில் வெற்றிடம் இல்லை இந்த ஸ்டாலின் இருக்கிறான் என கூறினார்.  இந்தி மொழி விவகாரம் குறித்து பேசிய அவர், மத்திய அரசிடமிருந்து  முறையான பதில் வரவில்லை என்றால் போராட்டம் அறிவிக்கப்படும் என்றார்.