ராஜபாளையம் : சாலையோரம் சென்ற முதியவரை தூக்கி வீசிய கார்

ராஜபாளையம் அருகே சாலையின் ஓரத்தில் சென்ற முதியவர் மீது கார் மோதிய விபத்தில் முதியவர் தூக்கி வீசப்பட்டு சம்பவ இடத்திலேயே உயிரிழந்தார். ராஜபாளையத்தை சேர்ந்த காசிம் என்ற முதியவர் காயகுடி அருகே சாலையோரம் நடந்து சென்றுகொண்டிருந்த போது பின்னால் வந்த ஒரு கார் இவர் மீது மோதிவிட்டு நிற்காமல் சென்றது. இதில் தூக்கி வீசப்பட்ட காசிம் சம்பவ இடத்திலேயே உயிரிழந்தார். முதியவர் மீது கார் மோதிவிட்டு நிற்காமல் செல்வதும், முதியவர் தூக்கி வீசப்படுவதும் அருகில் உள்ள சிசிடிவி கேமராவில் பதிவாகியுள்ளது.