கருணாநிதியின், பிறந்தநாள் விழா ஆண்டுதோறும் ஜூன் 3ஆம் தேதி கட்சியினரால் கோலாகலமாக கொண்டாடப்படுவது வழக்கம். அதன்படி, சென்னை அண்ணா அறிவாலயம் உட்பட தமிழகத்தின் பல்வேறு இடங்களில் கருணாநிதி பிறந்த நாள் கொண்டாடப்பட்டு வருகிறது. சென்னை அண்ணா அறிவாலயத்தில் வைக்கப்பட்டுள்ள கருணாநிதி சிலை மலர்களால் அலங்கரிக்கப்பட்டுள்ளது. அந்த சிலைக்கு திமுக தலைவர் ஸ்டாலின் மாலை அணிவித்து மலர் தூவி மரியாதை செய்தார். அதைத் தொடர்ந்து, துரைமுருகன், டி.ஆர்.பாலு உள்ளிட்ட தி.மு.க.வின் முன்னணி நிர்வாகிகள் மலர் தூவி மரியாதை செய்தனர். காங்கிரஸ் முன்னாள் மாநிலத் தலைவர் கே.வி. தங்கபாலு, கவிஞர் வைரமுத்து, கருணாநிதியின் உதவியாளர் சண்முகநாதன் ஆகியோரும் கருணாநிதியின் உருவப்படத்துக்கு மலர் தூவி மரியாதை செய்தனர்.
கருணாநிதியின் நினைவிடத்தில் ஸ்டாலின் மலர்தூவி மரியாதை
