ரூ.25 லட்சம் கடத்தல் தங்கம் பறிமுதல் : 2 இளைஞர்களிடம் அதிகாரிகள் விசாரணை

துபாயில் இருந்து சென்னைக்கு கடத்தி வந்த  25 லட்சம் ரூபாய் மதிப்புள்ள தங்கம் பறிமுதல் செய்யப்பட்டது. சென்னை மீனம்பாக்கம் பன்னாட்டு விமான நிலையத்திற்கு, துபாயில் இருந்து வந்த விமானத்தில் பயணம் செய்த தேவக்கோட்டையை சேர்ந்த பிரசாத் என்பவரை, அதிகாரிகள் சோதனை செய்தனர். அப்போது, அவர் உள்ளாடைக்குள் தங்கத்தை மறைத்து வைத்து இருந்ததை கண்டுபிடித்தனர். அதே விமானத்தில் வந்த இளையான்குடியை சேர்ந்த அப்துல் ரகுமான் என்பவரையும் சோதனை செய்தபோது உள்ளாடைக்குள் தங்கத்தை மறைத்து வைத்திருந்தது தெரியவந்தது. இருவரிடம் இருந்தும், 25 லட்சம் ரூபாய் மதிப்புள்ள 748 கிராம் தங்கம், 90 ஆயிரம் ரூபாய் மதிப்புள்ள லேப்-டாப், சிகரெட்டுகள் பறிமுதல் செய்யப்பட்டன.