கொடைக்கானலில் குவியும் சுற்றுலா பயணிகள்...

கொடைக்கானலில் சீசன் மற்றும் வார விடுமுறை காரணமாக நேற்று அதிகாலை முதலே ஏராளமான வாகனங்களில் சுற்றுலா பயணிகள் குவிந்தனர். இதனால் பல்வேறு இடங்களில் போக்குவரத்து நெரிசல் ஏற்பட்டது. அதை தொடர்ந்து அதிக போலீசார் நியமிக்கப்பட்டு போக்குவரத்து ஒழுங்குபடுத்தப்பட்டது.  கொடைக்கானல் வரும் சுற்றுலா பயணிகள்,  மலர் கண்காட்சியை கண்டு களிப்பதுடன், படகுசவாரி, குதிரை சவாரி உள்ளிட்ட பல்வேறு கேளிக்கைகளிலும் உற்சாகமாக ஈடுபட்டனர். தொடர்ந்து அதிக அளவில் சுற்றுலா பயணிகள் கொடைக்கானலில் வருகை தருவதால், சுற்றுலா தொழிலை நம்பியுள்ள பல்வேறு தரப்பினரும் மகிழ்ச்சி அடைந்துள்ளனர்.