கடலூர் : காலிகுடங்களுடன் பெண்கள் போராட்டம்

கடலூர் மாவட்டம் கொரக்காவாடி ஊராட்சிக்கு உட்பட்ட குடிகாடு கிராமத்தில் குடிநீர் கேட்டு பெண்கள் போராட்டம் நடத்தினர். 2 ஆயிரத்து 500-க்கும் மேற்பட்ட மக்கள் வசித்து வரும் அந்த கிராமத்தில்  கடந்த 4 நாட்களாக ஆழ்துளை குழாய் மூலம் குடிநீர் விநியோகம் முற்றிலும் நிறுத்தப்பட்டது. இதனால் கொரக்காவடி, லட்சுமணாபுரம் சாலையோரம் திரண்ட பெண்கள் காலி குடங்களுடன் தர்ணா போராட்டத்தில் ஈடுபட்டனர். அங்கு வந்த திட்டக்குடி வருவாய் வட்டாட்சியர் போராட்டத்தில் ஈடுபட்டவர்களிடம்  பேச்சுவார்த்தை நடத்தினார். உரிய நடவடிக்கை எடுப்பதாக அவர் உறுதியளித்ததை அடுத்து, போராட்டம் கைவிடப்பட்டது.