15 நாய்களை விஷம் வைத்து கொன்ற மீன் வியாபாரி : சிசிடிவி கேமிராவில் பதிவான காட்சிகள்

திருப்பூரில் இடையூறாக இருந்த 15 நாய்களை விஷம் வைத்து கொலை செய்ததாக மீன் வியாபாரி கைது செய்யப்பட்டார். கொங்கணகிரி இரண்டாம் வீதியை சேர்ந்த  கோபால், மீன் வியாபாரம் செய்து விட்டு இரவு திரும்பி வரும் போது, நாய்கள் குரைத்துள்ளன. தினமும் நாய்கள் குரைத்ததால், ஆத்திரமடைந்த கோபால், மீனில் விஷம் கலந்து கொடுத்துள்ளார் . இதில்  மீனை உண்ட தெரு நாய்கள், சிறிது.நேரத்திலேயே துடிதுடித்து உயிரிழந்தது. இந்த காட்சிகள் சிசிடிவியில் பதிவானது. இதனால் அதிர்ச்சியடைந்த பொதுமக்கள், நாய்களுக்கு விஷம் வைத்து கொன்ற மீன் வியாபாரி கோபால் மீது நடவடிக்கை எடுக்குமாறு சிசிடிவி காட்சி ஆதாரங்களுடன் போலீசிடம் புகார் அளித்தனர். இதனையடுத்து மீன்வியாபாரி கோபாலை திருப்பூர் போலீசார் கைது செய்தனர்.