7 கூரை வீடுகள் தீயில் எரிந்து நாசம் : குப்பைகளை கொளுத்திய போது விபரீதம்

நாகை மாவட்டம் மயிலாடுதுறையில் ஏற்பட்ட தீ விபத்தில் ஏழு கூரை வீடுகள் தீயில் எரிந்து சேதமடைந்துள்ளன. திருவாரூர் சாலை கேணிக்கரை அருகே  லட்சுமி என்பவர் வீட்டின் பின்புறத்தில் குப்பைகளை எரித்துள்ளார். அப்போது தீயானது அவரது வீடு மட்டுமின்றி அருகே இருந்த 7 வீடுகள் மற்றும் உணவு விடுதிக்கு மளமளவென பரவியது. தகவலறிந்து வந்த தீயணைப்பு துறையினர் தீ பரவாமல் அணைத்தனர். இதில் பல லட்சம் மதிப்பிலான பொருட்கள் தீயில் எரிந்து நாசமடைந்த நிலையில், மயிலாடுதுறை திருவாரூர் சாலையில் ஒரு மணி நேரத்துக்கு மேலாக போக்குவரத்து பாதிக்கப்பட்டுள்ளது.