வீட்டின் பூட்டை உடைத்து 25 சவரன், ரூ.2 லட்சம் கொள்ளை : வீட்டிற்குள் மது அருந்தி விட்டு சென்ற கொள்ளையர்கள்...

கேத்தாண்டப்பட்டி  பகுதியை சேர்ந்த ராஜா, என்பவர் வெளிநாட்டில் பணியாற்றி வருகிறார். இந்நிலையில் நேற்றிரவு அவரது மனைவி சுஜாதா, மாமியார் வீட்டிற்கு சென்றுள்ளார். இதை அறிந்த மர்ம நபர்கள் வீட்டின் பூட்டை உடைத்து பீரோவில் இருந்த 25 சவரன் தங்க நகை மற்றும் 2 லட்சம் ரொக்கப்பணத்தை  கொள்ளையடித்து சென்றனர். கொள்ளை அடிப்பதற்கு முன்பு யாருமில்லாத வீட்டில், மர்ம நபர்கள் சாவகாசமாக மது அருந்தி விட்டு தண்ணீரை தரையில் ஊற்றி விட்டு சென்றுள்ளனர். இச்சம்பவம் குறித்து வழக்கு பதிவு செய்த நாட்றம்பள்ளி போலீசார் வழக்குப்பதிவு செய்து விசாரணை நடத்தி வருகின்றனர்.