காருக்குள் எரிந்து கருகிய நிலையில் சடலம் : கொலையா? தற்கொலையா? போலீசார் விசாரணை

திருச்சி மாவட்டம் காட்டூர் வீதிவடங்கம் - பாப்பாக்குறிச்சி சாலை ஓரத்தில் நின்ற காரில் இருந்து புகை வருதாக போலீசாருக்கு தகவல் கிடைத்தது. சம்பவ இடத்துக்கு விரைந்த போலீசார் காரின் கதவை திறந்து பார்த்த போது உள்ளே எரிந்து கருகிய சடலத்தை கண்டு அதிர்ச்சி அடைந்தனர். விசாரணையில் காரில் இருந்தவர் காட்டூர் பாத்திமாபுரத்தை சேர்ந்த அப்பாஸ் அலி என்பதும், அதிகாலையில் மண்ணெண்ணெய் கேனுடன் வீட்டில் இருந்து சென்றவர் எரிந்த நிலையில் மீட்கப்பட்டது தெரியவந்தது. உடலை கைப்பற்றி பிரேத பரிசோதனைக்கு அனுப்பிய போலீசார், இச்சம்பவம் தற்கொலையா அல்லது கொலையா என்பது குறித்து விசாரணை மேற்கொண்டுள்ளனர்