சேலத்தில் பட்டப்பகலில் 3 வயது ஆண்குழந்தை கடத்தல்

சேலத்தில், பரபரப்பை ஏற்படுத்திய 3 வயது குழந்தை கடத்தப்பட்ட சம்பவத்தில், போலீசார் தீவிர சோதனையில் ஈடுபட்டிருப்பதை அறிந்த கடத்தல் பெண்கள், குழந்தையை விட்டுவிட்டு தப்பி ஓடியுள்ளனர். முள்ளகாடு பகுதியை சேர்ந்த பாலாஜியின் 3 வயது ஆண் குழந்தையை இருசக்கர வாகனத்தில் வந்த 2 பெண்கள் தூக்கிச் சென்றனர். இதையடுத்து அருகில் இருந்த கடையில் உள்ள கண்காணிப்பு கேமரா காட்சிகளை ஆய்வு செய்தபோது, இருசக்கரவாகனத்தில் முகத்தை மூடியபடி சுடிதார் அணிந்து வந்த இரு பெண்கள், கண் இமைக்கும் நேரத்தில் குழந்தையை கடத்திசெல்வது பதிவாகியுள்ளது.