நெல்லை மாவட்டம் பாளையங்கோட்டை அருகே வீட்டில் நள்ளிரவில் வெடித்த நாட்டு வெடிகுண்டுகள்

பாளையங்கோட்டையை அடுத்த மேலப்பாட்டத்தில் கணேசன் என்ற விவசாயி  புதிதாக கட்டி வரும் ஒரு வீட்டில் நள்ளிரவில் 2 நாட்டு வெடிகுண்டுகள் பயங்கரமாக வெடித்து சிதறின. இதில் வீட்டின் பின்பக்க அறைகள் முற்றிலும் சேதம் அடைந்தன. தகவலறிந்த போலீசார் சம்பவ இடத்திற்கு விரைந்து சோதனை  மேற்கொண்டனர்.அப்போது வெடிக்காத 2 நாட்டு வெடிகுண்டுகள் இருந்தது கண்டுபிடிக்கப்பட்டு கைப்பற்றப்பட்டது.கணேசனின்  மகன்கள் சிவா , அருள் ஆகிய இருவர் மீதும் கொலை உள்ளிட்ட பல்வேறு வழக்குகள் உள்ளன. அவர்கள் பாதுகாப்பிற்காக வெடிகுண்டுகள் வைத்திருந்தார்களா அல்லது யாரையும் கொலை செய்யும் நோக்கில் வெடிகுண்டுகளை பதுக்கி இருந்ததார்களா என போலீசார் விசாரணை நடத்தி வருகின்றனர். இந்சம்பவத்தையடுத்து அங்குள்ள கீழப்பாட்டம் பகுதியில் போலீசார் நடத்தி அதிரடி சோதனையில்  பலர் அனுமதியின்றி டெட்டனேட்டர் குச்சி , வெடிபொருட்கள் இருப்பது கண்டுபிடிக்கப்பட்டது. இது தொடர்பாக 4 பேரை போலீசார் கைது செய்தனர். அவர்கள் தாமிரபரணி ஆற்றில் வெடி வைத்து மீன் பிடிப்பது விசாரணையில் தெரியவந்துள்ளது.