நாளை 11ஆம் வகுப்பு பொதுத்தேர்வு முடிவுகள் : அரசு தேர்வுகள் இயக்குநரகம் அறிவிப்பு

தமிழகம் மற்றும் புதுச்சேரியில் பதினோராம் வகுப்பு பொதுத் தேர்வுகள், கடந்த மார்ச் மாதம் ஆறாம் தேதி தொடங்கி, 22ஆம் தேதி வரை நடந்தது.  ஒட்டு மொத்தமாக 7 ஆயிரத்து 278 பள்ளிகளை சேர்ந்த 8 லட்சத்து16 ஆயிரத்து 618 மாணவர்கள் தேர்வில் பங்கேற்றனர். சென்னை மாநகரில் மட்டும் 156 மையங்களில் 47 ஆயிரத்து 305 மாணவ, மாணவிகள் தேர்வு எழுதினர். மாற்றுத் திறனாளி மாணவர்கள் 2 ஆயிரத்து 700 பேர், சிறைவாசிகள் 78 பேரும்11ஆம் வகுப்பு பொதுத் தேர்வில் பங்கேற்றனர். இதற்கான முடிவுகள் நாளை வெளியாகும் என அரசு தேர்வுத்துறை இயக்குநரகம் அறிவித்துள்ளது. இணையதளங்களில் தேர்வு முடிவுகளை மாணவர்கள் பார்க்கலாம் என தெரிவித்துள்ளது.