கோட்டை மாரியம்மன் கோயில் திருவிழா : பக்தர்கள் அலகு குத்தி நேர்த்திக்கடன்

ஒசூரில் கிராம தேவதையான ஸ்ரீ கோட்டை மாரியம்மன் கோயில் திருவிழா இன்று நடைபெற்றது. இந்த திருவிழாவில் பக்தர்கள் தங்கள் உடல்களில் அலகுகளை குத்தி, விமானத்தில் அந்தரத்தில் தொங்கியவாறு வந்து அம்மனுக்கு நேர்த்திக்கடன் செலுத்தினர். இந்த திருவிழாவில் தமிழகம் மற்றும் கர்நாடக மாநிலங்களில் இருந்து வந்த பல்லாயிரக்கணக்கான பொதுமக்கள் கலந்து கொண்டனர். திருவிழாவை முன்னிட்டு நகரின் முக்கிய வீதிகளில் பக்தர்களின் வசதிக்கேற்ப நீர் மோர் பானங்கள், அன்னதானங்கள் வழங்கப்பட்டன. ஓசூர் காவல்துறை சார்பில் 150க்கும் மேற்பட்ட காவல்துறையினர் பாதுகாப்புக்காக நகர் முழுவதும் குவிக்கப்பட்டிருந்தனர்