சிறப்பு ஒலிம்பிக் வலுதூக்கும் போட்டியில் 4 வெள்ளிப் பதக்கம் : தமிழகத்தை சேர்ந்த மாற்றுத்திறனாளி அபிஷேக் சாதனை

சேலம் தாதகாப்பட்டி பகுதியைச் சேர்ந்த வலுத்தூக்கும் வீரரான மாற்றுத்திறனாளி அபிஷேக், கடந்த மார்ச் மாதம் அபுதாபியில் நடைபெற்ற உலக அளவிலான சிறப்பு ஒலிம்பிக் வலுதூக்கும் போட்டியில் கலந்துகொண்டு 4 வெள்ளிப் பதக்கங்களை கைப்பற்றி இந்தியாவிற்கு பெருமை சேர்த்தார். இதனால் மத்திய, மாநில அரசுகள் சார்பில் அபிஷேக்குக்கு 14 லட்ச ரூபாய் ஊக்கத்தொகை வழங்கப்பட்டது. அபிஷேக்கை கௌரவிக்கும் வகையில் சேலம் மாவட்ட வலுதூக்கும் சங்கம் சார்பில் பாராட்டு விழா நடைபெற்றது. இதில் வலுதூக்கும் பயிற்சி மைய பயிற்சியாளர்கள் மற்றும் வீரர் வீராங்கனைகள் கலந்து கொண்டு அபிஷேக்கை வாழ்த்தினர்.