உறவினர் பெண்ணுடன் வந்த இளைஞர் சுட்டுக் கொலை : மர்ம கும்பல் வெறிச்செயல் - போலீசார் விசாரணை

தர்மபுரி மாவட்டம் ஒகேனக்கல்லுக்கு உறவினர் பெண்ணுடன் வந்த இளைஞர் மர்ம கும்பலால் சுட்டு கொல்லப்பட்டுள்ளார். தர்மபுரி மாவட்டம் ஜருகு கிராமத்தை சேர்ந்த முனுசாமி என்பவர் தனது அக்காள் மகளுடன் ஒக்கேனக்கல்லுக்கு வந்துள்ளார். மலைச்சாலை அடுத்துள்ள வனப்பகுதியருகே முனுசாமி வந்துகொண்டிருந்த பொழுது அங்கு வந்த மர்ம கும்பல் முனுசாமியை நாட்டு துப்பாக்கியால் சுட்டு கொலை செய்துவிட்டு இளம்பெண்ணை இழுத்து சென்றுள்ளனர். அந்த பெண் அவர்களிடமிருந்து தப்பி சாலையோரம் வந்ததையடுத்து அந்த கும்பல் தப்பி சென்றது. தகவலறிந்து சம்பவ இடத்திற்கு வந்த ஒகேனக்கல் போலீசார் முனுசாமியின் உடலை கைப்பற்றி பிரேத பரிசோதனைக்காக அனுப்பி வைத்தனர். மேலும் இந்த சம்பவம் குறித்து வழக்கு பதிவு செய்து விசாரணை நடத்தி வருகின்றனர்.