மதுரை : ஆம்னி கார் தீப்பிடித்து எரிந்து சேதம்

மதுரை திருமங்கலம் அருகே ஆம்னி கார் திடீரென தீப்பிடித்து எரிந்ததால் பரபரப்பு நிலவியது. ராஜபாளையத்தை சேர்ந்த ராஜு தனது நண்பருடன் ஆம்னி காரில் அவனியாபுரம் சென்று கொண்டிருந்தார். ஆலங்குளம் அருகே  சென்ற போது காரில் திடீரென புகை வரத்தொடங்கியுள்ளது. இதனால் பதற்றம் அடைந்த ராஜூ, நண்பருடன் காரில் இருந்து இறங்கி குதித்து தப்பினார். இதனையடுத்து அங்கு சென்ற தீயணைப்பு துறையினர், சுமார் அரை மணி நேரம் போராடி தீயை அணைத்தனர். எனினும் கார் முற்றிலும் எரிந்து சேதம் அடைந்தது.