ஒட்டபிடாரம் தி.மு.க. வேட்பாளரை ஆதரித்து ஸ்டாலின் பிரசாரம்

ஓட்டப்பிடாரம் தொகுதிக்குட்பட்ட தெற்கு சிலுக்கன் பட்டி, கீழ தட்டப்பாறை, மேல தட்டப்பாறை உள்ளிட்ட பகுதிகளில் திமுக தலைவர் ஸ்டாலின், பொதுமக்களை சந்தித்து திண்ணை பிரச்சாரத்தில் ஈடுபட்டார். அவருக்கு, அப்பகுதி மக்கள் மற்றும் தி.மு.க. தொண்டர்கள் சிறப்பான வரவேற்பு அளித்தனர். அப்போது, குடிநீர், வடிகால் பிரச்சினை மற்றும் குளம் தூர்வாருதல் உள்பட பல்வேறு கோரிக்கைகளை நிறைவேற்றி தரவேண்டும் என தொகுதி மக்கள், ஸ்டாலினிடம் கோரிக்கை வைத்தனர். தொகுதி மக்களிடம் குறைகளை கேட்டறிந்த ஸ்டாலின், அனைத்து கோரிக்கைகளும் நிறைவேற்றி தரப்படும் என வாக்குறுதி அளித்தார்.