பத்தாம் வகுப்பு தேர்வில் வெற்றி பெற்றவர்களுக்கு ஸ்டாலின் வாழ்த்து

பத்தாம் வகுப்பு தேர்வில் வெற்றி பெற்ற மாணவ, மாணவிகள் அனைவருக்கும் தி.மு.க. தலைவர் ஸ்டாலின் வாழ்த்து தெரிவித்துள்ளார். இது தொடர்பாக அவர் வெளியிட்டுள்ள அறிக்கையில், தேர்வு பெற்ற மாணவ, மாணவிகள் அனைவரும் தங்களது மேல்படிப்பிற்கு ஏற்ப, விருப்பமுள்ள பாடங்களை பிளஸ் ஒன்னில் தேர்வு செய்ய வேண்டும் என குறிப்பிட்டுள்ளார். தேர்ச்சி பெறாத மாணவ - மாணவிகளுக்கு மறு கூட்டல், சிறப்பு துணை தேர்வுகள் போன்ற வாய்ப்புகள் இருப்பதால், எவ்வித அவசர முடிவுகளுக்கும் எடுத்து விடாமல் எதிர்காலத்தை நம்பிக்கையுடன் முன்னெடுத்துச் செல்ல வேண்டும் எனவும் ஸ்டாலின் அறிக்கையில் குறிப்பிட்டுள்ளார்.