மாணவியை வன்கொடுமை செய்ய முயன்ற 4 இளைஞர்கள் - மனமுடைந்த பள்ளி மாணவி தீக்குளித்து உயிரிழப்பு

திருவாரூர் மாவட்டம் கூத்தாநல்லூர் அருகே வீட்டில் தனியாக இருந்த10ஆம் வகுப்பு மாணவியை, அதே பகுதியை சேர்ந்த விஜய், அஜித், முருகேஷ், தாஸ் என்ற 4 இளைஞர்கள் பாலியல் வன்கொடுமை செய்ய முயன்றுள்ளனர்.அப்போது சிறுமி இளைஞர்களிடம் இருந்து தப்பிப்பதற்காக வீட்டிலிருந்து வெளியேறி அருகில் இருந்த காட்டுப்பகுதிக்கு சென்றுள்ளார். 4 பேரும் சிறுமியை விடாமல் துரத்தி சென்று அடித்து கீழே தள்ளி வன்கொடுமை செய்ய முயன்றுள்ளனர்.அவர்களிடம் இருந்து தப்பி வந்த மாணவி, மனமுடைந்து மண்ணெண்ணெய் ஊற்றி தீக்குளித்துள்ளார். அலறல் சத்தம் கேட்ட அருகில் இருந்தவர்கள், காயமடைந்த மாணவியை மீட்டு மருத்துவமனைக்கு அனுப்பி வைத்துள்ளனர்.இந்நிலையில் சிகிச்சை பலனின்றி மாணவி பரிதாபமாக உயிரிழந்தார்.இந்த சம்பவம் குறித்து மாணவியின் பெற்றோர்கள் கொடுத்த புகாரின் அடிப்படையில், போலீசார் வழக்கு பதிவு செய்து இளைஞர்கள் 4 பேரையும் தேடி வருகின்றனர்.